己丑年到了～！

新年快樂！

心想事成

身體健康

桃花旺盛

步步高陞

青春常駐

萬事勝意

笑口常開

財源廣進

出入平安

年年有餘

！！！！！！！！

心血來潮寫 Xanga~

好開心！終於完成廣州的job～

是我入這間公司以來覺得最學得最多野，最有意義既一隻 job

Pre-audit：

十二月四日至十號上去，航運的公司真係未做過 (包括我的 Manager，所以其實佢幫唔到我好多)，同貿易截然不同，用百分比計 Sales ，同 Cost，有好多 Estimation，有起緊的船，有好多掛賬，兼且第一年接手，完全冇野跟！個客蔡羽健又衰，咩都唔比 (我又唔知佢地做左乜文件) 又要我地自己用佢地個 Accounting software Generate Ledger 同 Breakdown (重要係直到我地問佢拎野佢先講)，又唔識用個 software， O 哂咀同埋淆哂底！

蔡羽健衰到冇人有，笑笑口咁串你兼賴皮，吹佢唔脹！又不停咁套我地 d 野，想知我地做左幾耐野，做過乜 Job，去過邊度等，又郁 d 投訴，話我地問完又問．．．跟本係佢自己唔合作，我地開到聲唔識用佢個 System 整某一 d 野，佢都唔肯幫我地！比 d 野我又唔單聲，又唔講清楚係乜，又唔整總數，唔講對到去邊個 Account，問佢又話我唔睇佢比我 d 野就問！有 d 野冇拎又話我地拎過，痴孖根！

重要同岩岩合拼左既大陸會計師事務所既人一齊坐，佢地講既普通話好捲，一快我就聽唔到．．．(佢地大部份來自黑龍江，山東，北京，得一個江西) 又要餐餐同佢地食 (係食辣，有一餐食到我肚痾)，開頭又比佢地笑我地聽唔到佢地講野．．．(不過後尾發覺佢地好好人，好得意，重好照顧我地，我地幫佢地起左唔同既花名：綄熊，Ape，茜利妹，好好人，Printer人及跳水王子熊倪)

十號落番香港，跟住去個客既香港 office，十一號收 Job，十二號先知要比 Manager 睇，十六號交比 Manager (註：十五至十八去大埔做變態女 Manager 的學校)，廿二號突然知道要比 Partner 睇 (根本好多野都未做事前唔知要比 Partner！) 個 Manager 又猛話我應該做多 d 野，大佬呀，已經盡左力去做啦．．．

Final：

個死線異常地緊，一月二日上去，一月六日番香港，一月七日朝早交 File，一月八日黃昏出草稿比客！不過好彩 Preaudit 時了解左個情況，兼且今次有個男仔跟蔡羽健上去 (重要係我同事既大學同學)，幫我地做左好多野，個蔡羽健冇比我地煩住，態度好左 d d，而且我地又熟左 d 野，又有綄熊照顧我地兼解決左唔少問題 (因為佢都要做香港呢邊)，今次順利好多！只係密密手咁做，夜晚番到酒店繼續做，訓得好少．．．最後兩晚 (一月五日及六日) 直頭冇訓過咁滯．．．哈哈．．．不過宜家已經訓番夠本．．．

交左 file 後，突然覺得好 Hae．．．可能辛苦慣，一時適應唔到．．．XD 一月八日重要同 Jess 飲酒飲到兩三點，第二日八點起身番工，超 Din！今朝九點起身去中環整 d 正經野，食完 KFC 行左陣書局 (打了一小時書釘不過幫襯左一百蚊絕對唔係混吉！) 同文員店 (買間尺身痕又買多一個坐木台年曾，重要好白痴地簡左好耐 Sanrio 揮春) 宜家終於可以真正咁休息同 Hae．．．HeHe

換了 BG Music，由林峰的愛不疚轉了做方大同的如果愛，氣氛算是開心很多吧！

2009

HaPpY NeW YeaR!

去了西九龍海濱長廊倒數~遠遠地隔住鐵絲綱但看得好清楚~

不過天氣都幾凍~

IFC 59 秒開始倒數~ 氣氛好好, IFC 上面的煙花好靚~ 個 2009 好靚~

好多好多人都同 IFC 影相... 哈哈...當然我都有啦

跟住去了蘭桂坊... 爆多人... 多得好得人驚...成條街都係人...

今次我真係好"早"瞓... 哈哈...

希望 2009 係一個好年! 希望一切都好~~~ 唔好有咁多天災人禍, 唔好咁多人失業... 唔好咁多人破產... 每一個人都健健康康, 快快樂樂!

多謝上次留言的朋友... 多謝你們的關心... ;)

Ronald: Merry X'mas!!! ;)

Asta: 我是明白的, 亦想活得快樂, 因為這亦是我家人所希望的...

但... 需要時間吧... 就像愛情的傷痛... 一段深刻的愛情, 我需要幾年的時間去忘記...

Audit ... 我真的越來越覺得不適合我, 亦不是我真正喜歡的... 我覺得我的性格不喜歡這麼嚴謹, 不喜歡迫人 (客), 亦不喜歡被人 (客及經理) 迫.... (笑), 只是我並不討厭吧.. haha

Merry Christmas!!!!

已經唔知幾耐冇寫 Xanga．．．

幾個月冇去自己個 Page，驚覺唔知何時把 BG Music 轉左做林峰的愛不疚．．．可能當時我真係好鍾意呢首歌吧

講開寫 Xanga，身邊好像得番幾個人寫．．．大部份的好友都沒有 Update 了．．．我還是很懷念幾年前寫 Xanga 與及看 Xanga 留 Comment 的回憶

現在流行 Facebook，感覺與 Xanga 很不同，雖是知道了很多舊同學的近況，卻一味只係睇相睇相睇相，或者係睇人地寫既 Notes．．．與幾年前 Xanga 間的那種聯繫差得遠了

今日係 26 號．．．剛過去的聖誕節好像沒有甚麼氣氛，只是街上很多人而已

現在過時過節尚有陪伴我的朋友，但唔知道幾年後，幾十年後還有沒有呢？

到時各人或者忙著同情人過，同仔女過．．．各自擁有幸福的生活

到時間或許我還是孤單一人．．．？我也不知道．．．怎想亦不會有答案

對我來說，找一個情人實在太困難了．．．不．．．應該說，幸福好像離我很遠的樣子．．．

完滿的人生，暫時恕我不能體會到．．．對我來說好像太遙遠了

近來聽回梁漢文的重新做人，很喜歡一句歌詞 " 我太多事動魄驚心，我太知舊時幸福怎麼變做缺憾 "．．．有一種難言的無奈

老實說，現在的我真的很難快樂起來．．．為什麼？

或許是因為我失去了對我人生最重要的．．．家人吧．．．？

努力地工作．．拼命地賺錢．．．為乜？有人與我分享成果嗎？對我來說，金錢與地位並不能換來快樂．．．足夠生活已達到目的

愛情對我來說，係虛無飄渺的，聽得太多，遇得太多．．．真的會有一個值得我付託終生的人嗎？

現在心目中最重要的．．．是朋友吧？

對於未來，本來是打算很平穩的走下去．．．現在忽然間覺得很迷茫

要怎樣走，怎樣過，我暫時沒有任何頭緒．．．

因為一路以來的精神支柱已遭破壞，當初所做的一切已變得毫無意義

還是繼續走下去，看命運的安排吧？？？

3 THINGS THAT I WANNA BUY (but turn out i may not buy hahaha): 

Item 1

♥ 3/7 酷愛張敬軒2008演唱會 Karaoke (3DVD) ♥

$169 seems a bit expensive... HaHa... also i hv watched his concert already la ma... i think i am too lazy to watch again... XD

Item 2

♥ 11/7 張敬軒 Urban Emotions ♥

張敬軒2008年全新大碟
URBAN EMOTIONS

推出日期：11/7/2008

曲目：

1  他的故事  
2  願望樹上  
3  櫻花樹下  
4  隱形人  
5  狐  
6  夜宴  
7  酩酊天使  
8  鬧鬼愛情  
9  不吐不快  
10 雪花抄
11  Déjà vu  
12  Hate That I Love You [粵語] - Rihanna & 張敬軒  
13  Hate That I Love You [國語] - Rihanna & 張敬軒
14  吻得太逼真 [國語]

it looks attractive... yet i hvn't bought CDs for a long long long time... HoHoHo...

Item 3

♥ 11/7 iPhoNe 3G♥

it loooks REALLY ATTRACTIVE especially WhiTe

however i am still a Smartone user until Oct 08 and that i dun wanna join 3

hope that other services providers will launch iphone 3g quickly or if unlocked iphones are not too expensive i may ask sb to help me to buy from overseas... hahaha